احمد كساب
King Of Math
عدد الرسائل : 309
تاريخ التسجيل : 12/10/2006
 | موضوع: فلسطيني ممنوع تعيش بلهجتنا  الأحد أكتوبر 29, 2006 8:45 pm | |
| ?° فلسطيني ممنوع تعيش×?°
فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور
***ممنوع تجدد هويه
ممنوع تجدد بسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش
***
فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب
***
مع انو الحقيقه
انا الي بالدنيا ضحيه
عملتوني ماده للغنى
و قضية للي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه و بالرشيديه
انا الي شعبي انتفض
و بحجر حارب دوريه
و اليوم و بكره و للابد
عنا كلمه وحده هي
***
فلسطين عربيه
و راح تبقي عربيه
و راح ترجع عربيه | |
|
zlatan
المشرف العام
عدد الرسائل : 621
العمر : 35
تاريخ التسجيل : 12/10/2006
| | موضوع: رد: فلسطيني ممنوع تعيش بلهجتنا الإثنين أكتوبر 30, 2006 7:12 pm | |
| اه يا احمد ..
رااااااائعة وهذا ما نعيشه بالفعل..
سلاااااااااام | |
|
