الى كل اخواني واخواتي في منتدى اصحاب
اقدم لكم هذه القصيدة وارجو ان تنال اعجابكم
فلسطيني ممنوع تعيش
فلسطيني ألولك ممنوع تعيش
ألولك أسكت ما تحكيش
إنت خلقت للتلطيش
للحواجز للمعابر للتفتيش
كتبوا على جبينك ينداس من الظابط للشاويش
فلسطيني ممنوع تعيش
فلسطيني ممنوع تصوم ومش مسموح تكون مأهور
إياك تطالب بحقك أوعك بيوم تشوف النور
ممنوع تجدد هوية ممنوع تجدد بسبور
فلسطيني وبدك تتعلم هاي شغلى ضد الدستور
فلسطيني لازم تتألم من غير ما يشوفك دكتور
فلسطيني ممنوع تتظلم ولا يطلع بجناحك ريش
فلسطيني ممنوع تعيش
فلسطيني بكل المطارات اسمك بالأحمر مكتوب
وعلى شباك مصلحة الجوازات كتبوا على جبينك مطلوب
لازم تتوقف ساعات مذنب أو من دون ذنوب
وبيتوجهلك إتهامات إنك سبب كل حروب
كأن بسببك الحق فات على جنين بلحظة لغروب
دبح صبيان وبنات وعجز على أمروا مطلوب
كأنوا بسببك كل المأساة وكل أزمات الشعوب
مع إن الحقيقة إحنا إلفي الدنيا ضحية
عملونا مادة للغنم وقضيتنا لل ما عندوا قضية
أنا الوجه الي صمد بالضفة والرشيدية
وأنا إلي شعبي انتفض وبحجر حارب دورية
وعنا كلمة وحدة للأبد
فلسطين عربية وراح تبقى عربية وراح ترجع عربية إسلامية
مع تحياتي
اخوكم يوسف فهد
الإثنين نوفمبر 20, 2006 6:20 pm
